Главная | Регистрация | Вход | | | Сегодня 25 Апр 2024 Время 05:23
Меню

Главная страница
Каталог Музыки
Каталог Видео
Фото
Чат
Форум
Биография
Стол Заказов
FAQ (вопрос/ответ)
Информация о сайте

Опрос
Если бы выборы президента России состоялись сегодня за кого бы Вы проголосовали?
Всего ответов: 144
Облако тегов
Администрация
ICQ 191159727 Stifi

ICQ 212875007 NFS
Статистика





Tatarstan.Net - все сайты Татарстана

Наша кнопка


Поддержите проект! Разместите нашу кнопку. Получить код баннера

Каталог

0-9 А Б В Г Д Е Ж З И Й К Л М Н О П Р С Т У Ф Х Ц Ч Ш Щ Э Ю Я

[ Новые | Популярные | Исполнители | по Рейтингу | по Просмотрам ]

Ул теләсә нинди музыканы җырлый ала, җитмәсә, берничә телдә.
Алинә Шәрипҗанова – җыр сәнгате йолдызы. Йолдызы, чөнки ул нинди телдә генә җырламасын, аны беләләр, тыңлыйлар, яраталар. Юкка гына иҗатының беренче чорында ул "йолдыз” тәхәллүсе белән чыгыш ясамаган.
Туган телгә булган мәхәббәте аны татар эстрадасының мөнбәренә менгерде – ул "Татар җыры” фестиваленең икеләтә лауреаты. Шул ук вакытта Алинә, рәхәтләнеп, рус һәм инглиз телләрендә җырлар башкара — JIVE төркеме солисты да әле ул.
Чын сәнгатьнең теле юк, дигәннәре, нәкъ аның сәләте турында.
17 нче апрель көнне Алинә Салих Сәйдәшев исемендәге Зур концерт залында "Халыклар музыкасы” фестивалендә катнашачак. Фестивальдә этно, латино, фанк һәм башка төр музыка яңгыраячак. Алинә бу концертта татар җырын башкарыр, гәрчә үзенең рус һәм инглиз телләрендә дә чыгыш ясау мөмкинлеге булса да. Алинә белән әңгәмәбез дә әнә шуның турында. Ни өчен соң Алинә татар җырын сайлаган?
— Мин, тумышым белән Саратов өлкәсеннән булсам да, татар гаиләсендә тәрбияләндем. Шуңа күрәдер дә әтиемнең, дәү әниемнең миңа йогынтысы тими калмагандыр. (Көлә). Берничә телдә җырлап та, үз туган телемдә җырламау оят тоелды миңа. Һәм мин татар телен ныклап өйрәнергә булдым. Әлбәттә, төп максат татарча җырларга өйрәнү иде.
— Шулай да "татар иленә” — Казанга килгәнче, әле күп юллар үтәргә туры килгән бугай?
— Әйе, дөрес. Саратовта 9 нчы сыйныфны тәмамлагач та, Чаллыга лицейга укырга керергә булдым. Чаллыда безнең туганнарыбыз яши иде. Аларга өй тирәсендә, хуҗалык алып баруда ярдәмем дә тияр дип уйладым.
Студент вакытта уку белән генә чикләнмисең бит инде, мин дә "Студентлар язы” бәйгесенең вокал номинациясендә катнаштым. Ни гаҗәп, Россиякүләм конкурста Татарстан Республикасы исеменнән чыгыш ясарга лаек дип табылдым. Чыгыш ясап кына калмадым, ә Гран-при ук яуладым.
Бүгенге көндә дә "Студентлар язы” бәйгесен күзәтеп барам. Еш кына жюрида да утырырга туры килә.
— Бу зур җиңүеңнән соң, талантыңны күреп, Мәскәүгә тикле чакыручылар да булгандыр дип уйлыйм. Шулаймы?
— Әлбәттә. Тәкъдимнәр булды. Шулай да Чаллыны мин ул елны башка шәһәрләргә алыштырмадым. Әтием дә музыка белән шөгыльләнүемне яратып бетерми иде. Мин, аның киңәшләренә колак салып, югары юридик белем алырга булдым.
Чаллыда 2 курс укыганнан соң, Казанга киттем. Юристлыкка 5 ел буе укыганнан соң, аспирантурада калдым. Хәзерге көндә фәнни хезмәт язам. "Язам” дип әйтү дөрес тә булмас, әле эшкә тотынганым юк. (Көлә).
— Алинә, сәнгать белән бергә юристлык һөнәрен ничек берьюлы алып бара алдың?
— Дөрес, бездә җырчыларны, артистларны акылга сай дип уйлаучылар күп. (Көлә). Математика яисә тарихны белмәгәнгә артист, җырчы булган дип фикерләүчеләр дә җитәрлек. Тик бу ялгышу. Менә, мәсәлән, минем өчен уку бик җиңел бирелде. Аспирантурага калуымның сәбәбе дә шул булгандыр. Тик мин бу өлкәдә эшләп карасам да, юриспруденция минеке түгел. Җырга мәхәббәтем үзенекен алды – бүген бар вакытымны иҗатка багышлыйм. Татарча альбом өстендә эшлим, "Татарча солянка” программалары белән гастрольләрдән кайтып та кергән юк. JIVE төркеме белән дә концерт программалары әзерлибез.
— JIVE белән ничек таныштың да, татар эстрадасына ничек кереп киттең? Болар икесе ике дөнья бит.
— Мин Казанда юристлыкка укыган чорда JIVE төркеме үзләренә солист эзли иде. Менә шулай 10 ел элек алар мине үзләренә чакырдылар инде. Без рус һәм инглиз телләрендә блюз, джаз, латино һәм башка юнәлешләрдә эшләдек. Шушы вакыт эчендә мин һәрдаим бу төркем белән генә чыгыш ясамасам да, алар мине үзләренең солистлары итеп күрделәр. Бу иҗатташлыкның иң югары ноктасы дип саныйм.
Татар эстрадасына килгәндә, Фәрит Романович Таишев минем җырларымны тыңлап караганнан соң, миңа "Барс-Медиа” компаниясе белән хезмәттәшлек итәргә, бергәләп татар эстрадасын яуларга тәкъдим итте. (Көлә).
— Алинә, кайчандыр син сәхнәдә опера ариясен башкару хыялың булуы турында әйткән идең. Бу теләгең әле тормышка ашмадымы?
— Кызганыч, әлегә юк шул. Әмма хыял аңа омтылыр өчен бирелгән дә инде кешеләргә. (Көлә).
— Югары музыкаль белем алу теләге яисә ихтыяҗы булмадымы?
— Булды гына түгел, мин хәтта Казан мәдәният һәм сәнгать университетына укырга да кергән идем. Әмма 1 нче курстан китәргә карар кылдым. Ул вакытта әле вокал факультеты тернәкләнеп кенә килә иде. Студентлар да, укытучылар да аз иде. Хәзер генә бу белгечлеккә укырга керү өчен конкурс көчле ул. Бүгенге көндә дә үземә музыкаль белем кирәк дип санамыйм. Чөнки кирәк икән, минем таяныр кешем бар. Үземнең иҗатымны Венера Ганиева киңәшләреннән башка күз алдына да китермим. Венера Әхәтовна минем һәм башка бик күп яшьләрнең тормышында иң зур рольләрне башкара. Ул — чын укытучы.
— Ә хәзер алда нинди маскатлар, Алинә? Инде "Татар җыры” яуланды. Бәлки, үзеңне Мәскәүдә сынап караргадыр?
— Минем татар эстрадасы өчен әле күп кенә проектларым бар. Алдагы елларда "Барс-Медиа” компаниясе белән без, Аллаһы боерса, һичшиксез, аларны тормышка ашырачакбыз. Аннан соң мин Казанны үз иттем. Инде 15 ел монда һәм бу шәһәрне башкасына алыштыру теләгем һич тә юк.
— Гаилә хәлеңдә үзгәрешләр көтелмиме соң?
— Үзгәрешләргә үзем дә шат булыр идем. (Көлә). Без җырчыларның тормышы шулай корылган шул инде. Гастрольләр, иҗат күп вакыт таләп итә. Сине аңларлык, синең белән бер төрле уйлаучыларны табуы кыен.
— Алдагы биш елда үзеңнең тормышыңны ничек күрәсең?
— Инде рус, инглиз һәм татар телләрендә берничә җырлар җыентыгын чыгарырмын, үземнең сольный концертымны куярмын. Матур гаиләм белән гөрләшеп яшәп ятарбыз. Үземне бүгенгедән дә бәхетле итеп хис итәрмен дип уйлыйм. (Көлә).
Категория: Шоу-бизнес | Просмотров: 2225 | Добавил: NFS | Рейтинг: 5.0/1 |
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Форма входа
Гость
Логин:
Пароль:
Меню пользователя
Мы рады вас видеть. Пожалуйста зарегистрируйтесь или авторизуйтесь!
Случайные фото

Айдар Галимов

Расширение: 602x480
Рейтинг: 4.7
Загрузок
: 2751
Пользователи

» Онлайн

Онлайн: 1
Гостей: 1
Пользователей: 0

Всего: 29012
Новых за месяц: 0
Новых за неделю: 0
Новых сегодня: 0
Парней: 27998
Девушек: 1014
Были сегодня:
Поиск

Друзья

Блок Рекламы
Copyright N&S © 2008-2024