- Tukmak.ru Татарча - Mp3, Фото, Видео (the best)

Главная | Регистрация | Вход | |

| Сегодня 05 Май 2024 Время 09:10

Меню

Биография

Опрос

Облако тегов

Администрация

^{Stifi

^NFS}

Статистика

Наша кнопка

Поддержите проект! Разместите нашу кнопку. Получить код баннера

Каталог

0-9 А Б В Г Д Е Ж З И Й К Л М Н О П Р С Т У Ф Х Ц Ч Ш Щ Э Ю Я

Аллага тапшырдык!

Ниһаять Канаданың Ванкувер шәһәрендә Олимпия уты кабызылды. Шул ук дөнья чемпионатлары, Европа беренчелекләре белән чагыштырганда, Олимпиаданы ачу тантанасы шоу, романтика, могҗизалык белән сугарылган. Юкка гына бу вакыйгага аерым бер көн һәм аерым зур игътибар бирелмәгәндер. Элек тә Олимпия уеннары вакытында сугышлар туктатылган, илләр арасында сәяси каршылыклар бер читкәрәк куелган. Ванкувер Уеннарын ачу тантанасы үзенең оештырылуы, эффектлары, тарихи вакыйгаларны бүгенге күзлектән күрсәтү ягыннан алдагы бәйгеләрдән бер башка өстен чыкты дип әйтү дә арттыру булмас.
Русия тамашачысы өчен әлеге Олимпиада ярышлары уңайсызлыклар тудырачак. Ни өчен дигәндә, Ванкувер вакыты Мәскәү вакытыннан унбер сәгаткә калыша! Әйтик, аларда кичке уеннар барган вакытта безнең халык җиденче төшен күреп йоклап ятачак. Ачылу тантанасының да безнеңчә иртәнге биштә башлануына игтибар иткәнсездер. Хәер, җаны-тәне белән кызыксынган җанатарлар өчен төнлә йокламау яки иртәрәк тору кебек күренешләр артык мәшәкать тудырмас дип уйлыйм. Чөнки безнең җыелма команданың хоккей мәйданнарында көрәшүе, өметле биатлончыларның чыгыш ясавы, хатын-кызлар өчен фигуралы шуу кебек нәфис спорт төрләре берсен дә битараф калдырырга тиеш түгел.
Бәйгенең ачылу тантанасына әйләнеп кайтсак, безнекеләр алфавит буенча Олимпия парадының уртасында халык алдында горур атлап чыкты. Русия байрагын "Ак барс” һәм ил җыелма командасы капитаны Алексей Морозов күтәреп баруы да очраклы түгел. Элек үзе дә ике тапкыр әләмне күтәреп барган хоккейчы Владислав Третьяк әйтүенчә, Канада җирлегендә байрак хоккейчы кулында булмаса, безне дөрес аңламаган булырлар иде. Чыннан да, соңгы елларда, Совет заманындагы кебек үк, хоккей буенча Русия – Канада каршылыгы халык сораштыруы буенча Олимпиаданың төп вакыйгасына әйләнәчәк. Сүз уңаеннан, 2010 елгы Олимпия утын яндыру шулай ук атаклы Канада хоккейчысы Уэйн Гретцкига тапшырылды.
Дөнья булгач төрлесе була дигәндәй, Уеннар башланырга берничә сәгать кала Ванкувердан күңелсез хәбәр дә килеп иреште. Грузия спортчысы Нодар Кумариташвили күнегүләр үткәргән вакытта чанадан егылып төшә. 21 яшьлек спортчы тормышы өчен табиблар көрәшеп карый, ләкин башы белән тимергә бәрелгән Нодарны, кызганычка, коткарып кала алмыйлар. Грузия җыелма командасы ачылу тантанасына кара ленталар белән чыкты һәм аның хөрмәтенә стадионда бер минут тынлык урнашты.
Индивидуаль төрләрдә катнашучы Татарстанның бердәнбер өмете— чаңгычы Нияз Нәбиев якшәмбе стартка чыкмады. Аның организмында гемоглабин чамадан тыш артык булган. Шулай итеп, без медаль алу гына түгел, ә Ниязның трамплиннан сикерүен һәм чаңгыда шууын да күрә алмадык. Олимпиада февраль ахырына кадәр дәвам итәчәк. Барлык спорт төрләреннән 86 комплект медаль уйнатыла. Болар арасында күпмесе безнең илгә әйләнеп кайтачагын вакыт күрсәтер. Соңгы күренешләр тәэсирендә, спортчыларның исән-сау әйләнеп кайтуы да туганнары өчен зур җиңү булачак. Аллага тапшырдык!

Категория: Спорт | Просмотров: 1502 | Добавил: NFS | Рейтинг: 0.0/0 |